H-amon sa sambayanan lalu sa kabataan,
A-wit nila'y pakinggan, dangal ng boto mo'y isaalang-alang.
N-agsusumamong tinig, hangad ay kapayapaan,
D-angal ng boto mo'y, dangal ng malinis na halalan.
O-ras na upang tayo'y kumilos mga kababayan,
G-umawa ng mabuti, ialay sa bayan.

A-ting limiin, mensahe ng buhay,
W-alang puknat na awitan, anibersaryong handog,
I-nyong lingkod Radyo Natin Guimba'y taus-pusong inilaan,
T-unay na hangarin, dalisay at wagas...bayan ay paglingkuran.

B-ukas-palad, pusong dumaramay, alay gamutan maging ang feeding program,
O-ras ng pagkakaisa'y natutunghayan.
T-inig ng katotohanan, walang kinikilingan...boses ng sambayanan,
O-ras ng Guimba Ngayo'y sadyang kapakipakinabang.

B-uhat ng isahimpapawid radyo ng bayan,
I-sip ay namulat, natutong lumaban,
G-abay sa ating karapatan hangga't nasa katwiran.
Y-aman ng sining at kultura'y pinagsumikapan,
A-nupa't bukas-aklat, alay sa mag-aaral,
N-aging sentro rin ng usapan...bata'y nahuhutok, mga magulang nagdiriwang.

D-agdag kaalaman, magsasaka'y inaabatan,
A-grikulturang programa sa kanila'y inilaan,
N-oo'y makalumang paraan, ngayo'y hi-tech naman,
G-aling talaga ng pinoy di-mapapantayan.
A-ng lahat ng ito'y ating pasalamatan, Manalig ka't Ilocano te Agsapa'y pakinggan,
L-aan ng RNG, para sa bayan. Tunay na Kabalikat ng Mamamayan...

ITO LANG PO ANG MAAARI KONG IHANDOG SA INYONG IKA-5 TAONG ANIBERSARYO. NANINIWALA AKO SA INYONG ADHIKAIN. SANA DUMATING ANG ARAW NA MAKASAMA NYO AKO DYAN. CONGRATULATIONS!!!