LIMANG TAON NA PO ANG RADYO NATIN GUIMBA SA OKTUBRE 31, 2009 AT NANATILI PO KAMI SA HIMPAPAWID DAHIL SA INYO PONG PAGTANGKILIK. LIMITADO LAMANG PO ANG AMING REKURSO NGUNIT DINUDUGTUNGAN NG WALANG SAWA NINYONG PAGSUPORTA

ITO ANG NAGPAPALAKAS NG AMING LOOB PARA PUMANIG LAGI SA KAPAKANAN NG SAMBAYANAN KAYSA SA KANINO MANG INTERES.

ANG AMING KAALAMAN, KASANAYAN, PROGRAMA AT ISTILO AY GINAGABAYAN NG AMING HANGARING TUNAY NA MAKAPAGLINGKOD SA MALAWAK NA SEKTOR NG POPULASYON, ANG MGA MAGSASAKA, MANGGAGAWA, SENIOR CITIZEN, KABATAAN AT KABABAIHAN.

SA LOOB NG 5 TAON, NAPAG-PUNYAGIAN NG MANAGEMENT, STAFFS AT VOLUNTEERS NA MAGING KABALIKAT NG KOMUNIDAD.

SA NGALAN NG KULTURA, NAKILAHOK TAYO SA PAGSUSUMIKAP NA MAISULONG ANG PAGPAPAUNLAD NG SARILING MUSIKA NA NAGBUBUKLOD SA ATIN BILANG MGA PILIPINO.

SA NGALAN NG SERBISYO PUBLIKO, KAYO NA TUMATANGKILIK SA BAWAT PROYEKTO NG OPERATION DAMAYAN ANG DAKILA. SA INYONG PAGSUPORTA AY NAGAGAWA NATING MAISABUHAY ANG DIWA NG BAYANIHAN, ANG PAGTUTUTLUNGAN SA GITNA NG KAHIRAPAN, KALAMIDAD AT KRISIS

SA NGALAN NG PAGBABALITA AT PAGTALAKAY NG MGA USAPING PULITIKAL AT KABUHAYAN, AMING NAISAWALAT AT MANANATILI SA PAGHAHATID NG MGA PANGYAYARI SA KOMUNIDAD AT SA GUBYERNO. HINDI LAMANG PARA ILANTAD ANG MGA MALING GAWI KUNDI MAGTULAK NG PAGWAWASTO DAHIL NANINIWALA KAMI NA MAY PUWANG ANG LAHAT PARA SA MABUTING PAGBABAGO.

KAYO PO NA NAKIKINIG AT NANINIWALA SA RADYO NATIN GUIMBA ANG NAGSISILBING MASO PARA KAMI AY MAPANDAY SA MGA PAGSUBOK AT ILAYO SA MGA OPORTUNISTA.

KAYO PO ANG NASISILBING BATINGAW PARA MARINIG NAMIN ANG DAING AT SIGAW NG BAYAN.

KAYO PO ANG NASA LIKOD NG MGA MAGAGANDANG HIMIG NG TAGUMPAY NG RADYO NATIN GUIMBA SA LOOB NG 5 TAONG NAGDAAN.

ASAHAN PO NINYO ANG PATULOY NAMING PAGIGIGNG KABALIKAT NG KOMUNIDAD.

MABUHAY PO KAYO AT MARAMING SALAMAT !