Latest news

Isasagawa ngayiong araw sa tanggapan ng Municipal Agrarian Reform Officesa bayan ng Guimba ang screening sa 65 myembro ng Mambayu na kabilang sa listahan ng mga humling na mapasama sa magiging agrarian beneficiaries ng datting Asyenda Davis,sa Barangay Manggang Marikit.

MAHIGIT sa kalahating milyong pisong cash ang ibinigay umano sa may 3,400 tricycle drivers sa bayan ng Guimba bilang fuel subsidy ng Pamahalang Nasyunal sa transport sectors.

Sa ulat ni Konsehal Jing Cabatbat, Committee Chair on Transportation, sa nakaraang sesyon ng Sangguniang Bayan (SB) ng Guimba sa Barangay Catimon noong Hunyo 27 ng taong kasalukuyan, tumanggap ng tig -P150 cash ang may 3,400 tricycle driver sa bayan ng Guimba.

NAARESTO noong Biernes ng hapon sa isinagawang entrapment operation ng Cuyapo Police Station kasama ang Provincial Public Safety Company (PPSC) na nakabase sa bayan ng Cuyapo ang 3 lalaki na suspek sa ninakaw ng 3 kalabaw.

Pormal ng pumalit bilang bagong Punong Barangay ng Tampac Uno si Unang Kagawad Ben Ruflo bilang kapalit ni yumaong Kapitan Eduardo Dela Cruz.

Nitong Lunes, sa ginanap na sesyon ng Sangguniang Bayan (SB) sa Barangay Catimon, ipinakilala ni Konsehal Tony Agapito si Ruflo bilang Acting Barangay Captain ng Tampac Uno. Kasama ni Ruflo ang kanyang 7 Kagawad.

Si Ruflo ay pormal na naging acting Brangay . Captain matapos pumirma sa appointment paper nito noong ika-21 ng Hunyo ng taong kasalukuyan. Sa Ika-10 ng Hulyo, nakatakda ang unang sesyon nito sa Sangguniang Barangay.

KINUHANAN ng mga larawan ng ilang miyembro ng Listasaka ang pagsasaka o paggawa ng grupo ng Mambayu, sa dating Asyenda Davis kahapon, Hunyo 28, dakong 9:30 ng umaga. Bagay na gumambala sa mga kasapi ng Mambayu na nag-akalang papasukin ng ng Listasaka ang pinagtatalunang lupain.

Sa impormasyong nakarating sa RNG, naitaboy ang grupo ng Lsitasaka na pumasok sa lupain ng dating Asyenda Davis matapos na makapagtipon ng malaking bilang sa gitna ng bukid ang mga kasapi ng Mambayu.

SINAMPAHAN ng dalawang kaso si Florentino Pagatpatan Jr., 49, miembro ng Mambayu, matapos itong arestuhin ng mga pwersa ng pulis sa Guimba noong Sabado ng umaga sa kanyang sinasakang kalahating ektaryang bukid sa Manggang Marikit. Kasong "usurpation of real property" at trespassing ang isinampa laban dito na ang complainant ay sina G. Cerelino Guimba at Pedro Esguerra na pawang mga lider ng grupong Lista-saka.

NAGDULOT ng pagbaha sa ilang barangay ng Guimba ang ilang araw na tuluy-tuloy na pag-ulan na siyang dahilan upang maasira ang mga bagong tanim na mga punla sa palayan.

Sabado ng gabi nang umapaw ang tubig sa ilog ng Barangay Partida I, halos hindi na natulog ang mga residente doon upang abangan ang tubig dahil panigurado anila na babahain na naman sila. Dakong 7:00 ng gabi nang magsimula ang ilang mga residente doon na magtaas ng mga gamit na maaaring abutan ng tubig baha.

AlLAS siyete ng umaga noong Sabado, ika 25 ng Hunyo 2O11, inaresto ng 5 kagawad ng Guimba Police Station ang isang miyembro ng Mambayu na nakilalang si Florentino Pagatpatan Jr., 49, may asawa, magsasaka at residente ng Barangay Manggang Marikit habang ito ay nasa bukid na dating pag-aari ng Asyenda Davis.

MASAYANG tinanggap ng 109 na estudyante mula grade 2-6 ng Naglabrahan Elementary School ang mga gamit-eskwela na bigay ng mga sponsor ng Radyo Natin Guimba, kahapon, Hunyo 23, 2011.

Pagdating ng Radyo Natin Team kasama ang ilang mga sponsors ay agad ng pinalabas ang mga bata at bago ang pamimigay ay muli nagpatula at may 3 batang kalalakihan ang naghandog ng awiting patok na patok ngayon sa mga kabataan, ang "Pusong Bato". Matapos umawit ay binigyan sila ng papremyong rain coat at lunch bags.

PINONDOHAN ng Municipal Social Welfare and Development Office ng halagang P2, 709, 525 ang on going supplemental feeding o pagpapakain ng libreng tanghalian o meryenda araw-araw sa mga Day Care pupils sa bayan ng Guimba.

Ang supplemental feeding ay sinimulan noong nakaraang Huwebes, Hunyo 16 ng taong kasalukuyan sa layuning mapabuti at sustinihan ang nutritional status ng mga bata sa loob ng 6 buwan o 120 araw.